E roude Fuedem duerch de roude Buedem

Vun Esch op Déifferdeng, duerch Beetebuerg, Suessem, Diddeleng a Monnerech, féiert de roude Fuedem eis zu am Mount Oktober op Lasauvage.

Duerch dat klengt verschlofent Duerf vu Lasauvage féiert dësen interaktiven Trëppeltour a léist Iech dës Uertschaft mat hirer Geschicht a wuel bekanntster Awunnerin nei entdecken: der Zowaasch! D’Seech vun der wëller Fra vu Lasauvage ass uechtert d’ganzt Land bekannt a faszinéiert zënter Joerhonnerten d’Awunner aus der Regioun. Mee wie war si iwwerhaapt? An engem performative Parcours gi mir zesumme mat Iech op eng Rees duerch Zäit a Raum a blécken zeréck bis op d’Urspréng vun dëser spannender a geheimnisvoller Geschicht, déi den Dall bis haut präägt.