Jacques Steffen

De Jacques Steffen, gebuer 1960 an der Stad Lëtzebuerg, huet franséisch Literatur zu Stroossbuerg studéiert. Vu 1985 bis 2009 war hie Franséischprof am Lycée Privé Fieldgen a vun 2009 bis 2019 wëssenschaftleche Mataarbechter am Literaturarchiv (CNL) zu Miersch.

Hie schreift Rezensiounen a Bäitreg an der Lëtzebuerger Press, e Psychokrimi fir Erwuessener a Geschichte fir Kanner a Jugendlecher. An der Wochenzeidung Woxx huet en 2001 d’Kuerzgeschicht Den Zinemasowend erausbruecht. Si illustréiert de leidege Problem vun de Behënnerteplazen.