Jhemp Hoscheit

E musikalesche Liesowend mat Satir, Prosa a Poesie mam Schrëftsteller Jhemp Hoscheit an dem Museker Jules Arpetti.

Fir dee besonnesche Liesowend hunn déi zwee Artisten en ofwiesslungsräichen, literaresch-satiresche Programm zesummegestallt.
Si spillen en Deel vun hirem satiresche Réckbléck – „Fréier wor alles …“ – mat deem si zënter Januar 2020 mat groussem Publikumserfolleg schon zwanzegmol op Tournée waren.

De Jhemp Hoscheit liest och Ausschnëtter aus sengem neie Roman „Tëschent den Zeilen“.

De Jhemp Hoscheit trëtt am Rollespill mam Museker a Gittarist Jules Arpetti op, deen net nëmmen Textinterpret ass, mee och mat de passende Songen an Oldies fir déi zousätzlech musikalesch Begleedung suergt.