Moien, mir si Gefiller!

Krus du scho vun Opreegung kee Wuert méi raus? Oder bass richteg rose ginn? Huet däi Bauch schonn eng Kéier gekribbelt? Oder wollts du vu Freed an d’Luucht sprangen?

Sinn dat villäicht Gefiller? A wéi geet ee mat deenen ëm? Freed, Trauer, Angscht, Opreegung, Gléck, Roserei oder Neutralitéit – all dës Emotiounen erfuersche mir mat dir zesummen. Zwou Dänzerinnen an e Musiker weisen dir, wéi si déi verschidden Emotioune spieren a wéi d‘Gefiller hiren an däi Kierper kënnen beaflossen. Komm mat an eng Welt voller Emotiounen, Beweegung, Faarwen a Kläng!